O Plan de Emprego de Cruz Vermella en Galicia leva máis de 20 anos traballando coas persoas que teñen máis dificultades de inserción no mercado laboral, para que estean en mellores condicións para acceder a un posto de traballo. No último ano, máis de 3.700 persoas realizaron un itinerario personalizado e, delas, inseríronse máis de 2.000 mulleres e homes no mercado laboral galego. Persoas como Belén e Sergio Gabriel hoxe nos contan a súa experiencia e como Cruz Vermella lles apoiou na procura dunha oportunidade para cambiar as súas vidas.

“Axudáronme a comprobar que aí fóra sempre hai oportunidades e non hai que baixar os brazos nunca”

O caso de Sergio Gabriel Cantariño é o de moitas persoas que, tras anos de experiencia profesional ás súas costas, tiveron que reinventarse e apostar por novos retos profesionais. Actualmente ten 52 anos, pero este arxentino leva traballando desde os 19 tanto no seu país de orixe como en Estados Unidos e, desde o ano 2000, en España. Estivo contratado por conta allea e tivo a súa propia empresa de limpeza e administración de pisos para turistas cando residía en Miami. Con todo, como a moitas outras familias, a Covid-19 cambioulles a vida. “Tanto a miña esposa como eu quedámonos sen emprego en Barcelona, por unha redución total de persoal. Como esta cidade era cara para vivir, decidimos mudarnos a unha máis económica, pequena e tranquila e chegamos a Vigo. Foron moitos intentos de deixar o cv en diferentes empresas sen obter respostas nin entrevistas de traballo. Foi un tempo no que estaba moi desmotivado e triste porque os meus fillos visen que non traballaba e que tiñamos que recorrer a axudas do Estado. Cando cheguei a Cruz Vermella enseguida puiden comprobar a seriedade e sentir o compromiso das profesionais da Organización. Despois de coñecerme ofrecéronme opcións para aprender cousas novas, pero tamén me axudaron a levantar o ánimo, volver a crer en min e comprobar que aí fóra sempre hai oportunidades e non hai que baixar os brazos nunca”, cóntanos.

Cando unha persoa achégase para participar no Plan de Emprego, os equipos valoran as súas necesidades en canto a orientación, formación e capacitación profesional. No caso de Sergio Gabriel, participou nunha formación de xardinería en Acciona S.A., empresa na que foi seleccionado posteriormente para traballar. “Foi unha experiencia fenomenal. Esta participación abriume unha nova porta, e grazas de novo á xestión de Cruz Vermella, tiven outra oportunidade na empresa ViveGreens introducíndome no cultivo de microbrotes. Aínda que é un emprego a tempo parcial serve para estar activo e seguir aprendendo cousas novas”, detalla Sergio Gabriel.

Á hora de falar de aprendizaxes e expectativas cumpridas, desde que comezou a súa andaina no Plan de Emprego ten claro que para participar é necesario poñer moito dun mesmo. “Son sempre positivo cando encaro algún proxecto e en gran parte si se cumpriron as miñas expectativas. Aínda que aínda non puiden atopar un emprego a tempo completo e cun contrato indefinido, non perdo as esperanzas porque se que chegará”, relata.

“Os meus soños no ámbito profesional pasan por poder ser parte dunha empresa, que conten comigo, que valoren o meu esforzo, que sexamos un mesmo equipo tirando para adiante xuntos”, cóntanos Sergio Gabriel, e ao que engade: “Xa recomendei o Plan de Emprego de Cruz Vermella a varias persoas para que se animen e que sexan parte deste gran equipo porque a curto ou longo prazo, se un sacrifícase, é positivo e quere, coa axuda de todas as vontades os resultados chegan”.

“Cumprín as miñas expectativas e actualmente estou a traballar, sigo ampliando os meus coñecementos e seguen abríndoseme portas

Belén Loa é unha moza de 25 anos que, no ano 2018 e por recomendación de varias amigas, decidiu achegarse á sede de Cruz Vermella en Lugo para participar no Plan de Emprego. Por motivos persoais, non podía continuar cos seus estudos ao finalizar a ESO e tiña que comezar a traballar, así que viu nesta entidade a oportunidade perfecta para enfocarse nalgún sector que lle gustase e no que puidese desenvolver a súa traxectoria profesional. “En concreto, faláronme dun proxecto para mozos que me encaixaba bastante así que decidín aproveitar a oportunidade. O equipo de emprego e, en concreto Pilar, estivo comigo en todo momento”, sinala Belén.

Un dos eixos de traballo con participantes do Plan de Emprego pasa por ofrecerlles itinerarios personalizados que se adapten ao seu perfil. Nalgúns casos, o equipo céntrase en proporcionar orientación sobre a procura de emprego, capacitación profesional ou aprender algunhas ferramentas que lles permitan afrontar futuras ofertas de traballo. Noutros, trabállase ademais coas persoas realizando cursos e prácticas formativas, como no caso de Belén. “Realicei un curso de auxiliar polivalente de comercio e almacén e fixen prácticas en Tendam, marca na que puiden empregar todos os meus coñecementos e aprendín moitas cousas novas”, cóntanos.

Aínda que nun primeiro momento tivo dúbidas polo esforzo que supoñía prepararse adecuadamente para a súa inserción no mundo laboral, Belén ten claro que tras o seu paso por Cruz Vermella conseguiu mellorar a súa empregabilidade e obtivo novas oportunidades. “Cumprín as miñas expectativas e actualmente estou a traballar, sigo ampliando os meus coñecementos e seguen abríndoseme portas. Estou moi contenta”, declara.

Ademais, esta experiencia serviulle para aumentar os seus coñecementos, “desde a atención co cliente ou o ámbito loxístico das empresas ata formación de igualdade de xénero no mercado laboral”, conta Belén. Agora, de fronte ao futuro, confía en “seguir crecendo neste ámbito e traballando, aproveitando as formacións que se me presentan profesionalmente”. Ela, como moitas outras participantes, ten claro que o Plan de Emprego é moi aconsellable: “Recoméndoo 100% porque se eu conseguino, calquera persoa que selo propoña o vai a alcanzar”, conclúe.

*O Plan de Emprego conta co apoio da sociedade, as empresas e as administracións públicas territoriais, así como do Ministerio de Traballo e Economía Social, e do Fondo Social Europeo a través do Programa Operativo de Inclusión Social e Economía Social (POISES), e do Programa Operativo de Emprego Xuvenil (POEJ).